Sígild og skemmtileg flúðasigling niður Hvítá sem fléttar saman fjöri og náttúrufegurð.
Allir í bátana!
Flúðaskólafjör
Hafið samband til að fá tilboð í ferð og ef þið viljið bæta við mat í pakkann.
VERÐ
Aldurstakmark
Ferðin er ætluð fyrir 11 ára og eldri
STAÐSETNING
Drumboddsstaði River Base, 806 Selfoss
Mæting er 15 mínútum fyrir brottför
Brottfarir
daglegar ferðir
klukkan 11:00 og 15:00
Frá maí - sept
Hafið samband ef þið viljið aðra tíma
TÍMALENGD FERÐAR
3 klst. frá Drumboddsstöðum
8 klst. til og frá Reykjavík
Létt - miðlungs erfiðleikar - mjög aðgengilegt flestum.
Hvítá er 2+ stig af 5 mögulegum.
ERFIÐLEIKASTIG
Skólahópahefðin
Árlega í kringum útskrift 10. bekkjanema siglum við hjá Arctic Rafting með hundruðir nemenda niður Hvítá og endum við á grillveislu á Drumbó. Ferðirnar eru alltaf skemmtilegar, enda er erfitt að finna hressara fólk en 10. bekkinga í fríi og passar áin vel við fjörið. Við hlökkum alltaf til að taka á móti 10. bekkingum enda er þá fyrir víst að sumarið sé að koma.
Flúðasiglingarnar í Hvítá hafa verið starfræktar frá árinu 1985 og verið vinsæl afþreying meðal landsmanna. Áin er í senn ævintýraleg og vinaleg og sér alfarið um að halda uppi fjörinu, enda er fátt skemmtilegra né meira hressandi en að sigla niður flúðirnar í góðum hópi og fíling. Við sköffum blautgalla til þess að halda á fólki hita og björgunarvesti til að halda þeim á floti. Ekki er gerð krafa um fyrri siglingarreynslu en sigling niður Hvítá er fyrir alla sem vilja upplifa ævintýri og reyna á brosvöðvana!
Flúðafjörið hefst frá bátahúsinu okkar að Drumboddsstöðum, sem er í 1.5 klst fjarlægð frá Reykjavík, en þaðan keyrum við stutta vegalengd að ánni. Fyrsta flúðin er þar rétt handan við hornið og í kjölfarið koma flúðirnar í bunu. Ferðin spannar 7 kílómetra í gegnum skemmtilegar öldur sem leiða okkur niður falleg gljúfur. Við siglum í gegnum hinar undurfögru og margrómuðu bergmyndanir í Brúarhlöðum en á þeim stað, ef aðstæður í ánni leyfa, þá höfum við boðið þeim sem vilja að stökkva fram af klettinum í ískalda jökulsánna. Svo er nægur tími til að leika leiki, gera grín og synda í ánni en ferðin tekur í heildina 3 klst.
Sendu okkur bókunarfyrirspurn eða bókaðu þig beint hér fyrir neðan.
Ferðalýsing
Ekki er eftir neinu að bíða, grípið í árina og skellum okkur útí jökulvatnsskvetturnar. Allir í bátana!
-
Ferðin sjálf
Ferðin hefst frá Drumboddsstöðum, þar sem allir þátttakendur fá búnað sem gerir þeim kleift að takast á við ána. Þaðan keyrum við stutta vegalengd alveg að árbakka Hvítár þar sem fjörið hefst. Fyrsta flúðin er rétt handan við hornið og í kjölfarið koma flúðirnar í bunu. Ferðin spannar sjö kílómetra í gegnum skemmtilegar öldur sem leiða okkur niður falleg gljúfur. Við fyllumst undrunar er við fljótum í gegnum hina margrómuðu og fallegu Brúarhlöð. Á þeim stað, ef aðstæður leyfa, höfum við boðið þeim sem vilja að stökkva fram af klettinum í ískalda jökulsánna.
-
Flúðasiglingar frá 1985
Við hjá Arctic Rafting höfum siglt með fjölda fólks niður Hvítá með höfuðstöðvar okkar að Drumboddsstöðum / Drumbó frá árinu 1985. Flúðasiglingarnar í Hvítá hafa verið vinsæl afþreying meðal landsmanna, en áin er í senn ævintýraleg og vinaleg. Hún lofar alltaf góðu fjöri en fátt er skemmtilegra eða meira hressandi en að sigla niður flúðirnar yfir sumartímann í góðum hópi og fíling! Siglingin hentar flestum aldurshópum og ekki er gerð krafa um fyrri siglingareynslu. Ferðin er fyrir alla sem vilja upplifa ævintýri og reyna á brosvöðvana!
-
Heitur pottur, sauna og veitingar
Drumboddsstaðir bjóða ekki einungis upp á flúðasiglingar. Á staðnum er að finna heita potta, sauna-klefa, veitingastað og bar. Við erum nýbúin að endurnýja búningsklefa og bæta við heilli viðbyggingu.
Eftir hasarinn er tilvalið að ylja sér í saununni og heitu pottunum og jafnvel njóta í leiðinni veiganna sem í boði eru á veitingastaðnum okkar og bar.
Spurt & svarað
-
Flúðasigling niður Hvítá með sérþjálfuðum leiðsögumanni.
Allur mikilvægur búnaður, blautgalli, björgunarvesti, neofren skór, hjálmur og ár.
Fljótandi heimsókn í gegnum Brúarhlöður
Sána og sturta til að hlýja sér eftir ferðina
Upplifun í litlum hóp! Einungis 8-10 farþegar í hverjum flúðabát
-
Hlýja ullar- eða flíspeysu
ullarnærföt (föðurland) til að vera í undir blautgallanum og hlýja ullarsokka. Þetta gæti allt blotnað á meðan á ferðinni stendur. Við mælum ekki með því að klæðast bómullarfötum því þau halda ekki á þér hita ef þú blotnar.
Sundföt til að vera í undir neofren buxunum á ánni og í sánunni!
Föt til skiptana
-
Já þú getur komið með myndavélina þína, hinsvegar ef hún er ekki vatnsheld þá mun hún pottþétt eyðileggjast.
Því hefur þú þessa möguleika:
Þú átt vatnsheldna myndavél og tekur hana með þér (gott er að hafa band með).
Þú leigir GoPro frá okkur á Drumbó
Þú kaupir einnota vatnshelda myndavél frá okkur á Drumbó
Þú kaupir plastvasa hjá okkur, sem gerir síman vatnsheldan.
-
Já það er mikilvægt að geta synt ef ské kynni að þú dettur í ánna.
-
Í Flúðafjör er 11 ára aldurstakmark.
Í Fjölskylduflúðafjör er 8 ára aldurstakmark. Sú ferð er sérstaklega útfærð með börn frá 8-10 ára aldri í huga.
Það er hinsvegar ekki aldursþak, bara að vera heilbrigður og að treysta sér til þess að fara í kalda jökulsá.
-
Já, ef þú getur ekki verið án þeirra. Við mælum með að koma með eða kaupa Chums af okkur á Drumbó.
-
Það þarf að mæta á Drumboddsstaði amk 15 mínútum fyrir áætlaða brottför svo við höfum tíma til að fara yfir mikilvæg öryggisatriði og klæða okkur upp fyrir ferðina.
Þú getur greitt aukalega og bókað skutl til og frá Reykjavík frá fyrirfram ákveðnum staðsetningum. Þá fer heildartími ferðarinnar upp í 8 klst. með skutlinu.
Þessi ferð hentar börnum sem eru 11 ára og eldri. Ef þú ert á ferð með yngri börnum sem eru sólgin í ævintýri þá eru börn frá 8 ára aldri velkomin í Flúðafjör með Fjölskyldunni með okkur, en sú ferð er farin á sama tíma svo öll fjölskyldan ætti að geta fundið eitthvað við sitt hæfi. Það er síðan ekkert efra aldurstakmark í ferðina en mikilvægt að vera heilbrigður og treysta sér út í öldur jökulárinnar.
-
Drumbó (Drumboddsstaðir) eru höfuðstöðvar okkar þar sem allar flúðasiglingar hefjast.
Þar finnur þú:
Búningsherbergi
Sturtur
Sauna
Bar og kaffihús
-
Hamborgara grillveisla eftir ána - 2.400 kr
Go Pro Leiga- 3.990 kr
Vatnsheld einnota myndavél - 4.990 kr
Skutl til og frá Reykjavík - 8.000 kr