Kayak Paradís - Sjókayakferð frá Ísafirði
Erfiðleikastig 3 af 5 mögulegum Reykjanes í Ísafjarðardjúpi er uppáhaldsstaður margra íslenskra kayakræðara. Ástæðan liggur í augum uppi um leið og komið er á staðinn. Vatnið í kringum Reykjanes er oftast lygnt og selar sjást oft austan við nesið. Gamla útisundlaugin (sú stærsta á öllum Vestjförðum) er frábær æfingalaug áður en haldið er á sjóinn með Drangajökul og Snæfjallaströnd í baksýn.
Eftir akstur frá Ísafirði (1,5 klst.) er farið í laugina í stutta kennslu þar sem farið er yfir róðrartækni, félagabjörgun og kayakveltu. Eftir hádegismat er haldið út á sjó í rólega kayakferð meðfram stöndinni til að skoða seli og fugla á heimaslóðum sínum. Ef veður leyfir er mögulegt að róa að Borgarey og kanna lundabyggðina sem þar er. Róið er í nágrenni Reykjaness í 3 til 4 klukkustundir, svo er slakað á í heitu pottunum í Reykjanesi áður en haldið er aftur til Ísafjarðar.
Staðfest brottför, mánudaga, miðvikudaga og föstudaga kl. 9:00 fyrir minnst 4 þátttakendur. Gildir tímabilið 15. maí til 30. september.
Verð: 15.990 kr á mann.
Innifalið í verði: Akstur inn í Reykjanes, leiðsögn, sjókayakbúnaður, nesti og aðgangur að sundlauginni.
Tímabil: 15. maí til 30. september.
Brottför: Mánudaga, miðvikudaga og föstudaga kl: 9:00 frá Ísafirði, gildir frá 15. maí til 30. september.
Búnaður: Mælt er með því að vera í ullar- eða flís nærfatnaði undir vatnsheldum kayakfatnaði. Komdu með aukafatnað til öryggis. Ekki gleyma sundfatnaði og handklæði.
Lengd: 8 klst.
Lágmarksþátttaka: 4 einstaklingar.
Fyrirvari: Allar kayakferðir eru farnar á ábyrgð þátttakenda í henni. Arctic Rafting tekur sér ekki á herðar neina ábyrgð vegna slysa sem verða vegna háttarlags eða hátternis þátttakenda í ferðinnni eða vegna annarra aðstæðna sem rekja má til þeirra eigin gjörða. Þátttakendur kunna að þurfa að skrifa undir yfirlýsingu þess efnis en að öðrum kosti teljast kaup og þátttaka í ferðinni nægilegur vottur þess efnis að þátttakendur geri sér grein fyrir því að öllum ævintýraferðum og allri útivist fylgir ákveðin áhætta sem þátttakendur taka sér á hendur með þátttöku. Click here for English